當知道時已經是1月18日, 但我1月20日就要上飛機回家..機票改唔切, 又冇得取消下只好頂硬上..
1月份的南京真係好凍好凍...如果唔係因為要補擺酒打死都唔會去, 本來老公開開心心上機一直對我小心既態度, 可能1月22日..我地既第一胎都係保唔住...著床失敗自動流走了..喊過傷心過仍然要繼續過日子, 因為唔想老人家知道而擔心, 都冇講到出來, 去完南京返香港, 我地都扮作冇事發生, 一直唔想再提起..特別係最難接受既楊先生..
過完新年, 香港澳門馬來西亞都玩完直接回到澳洲我地溫馨的家....放下心頭大石下身體一直唔舒服, 都仲未開過工...然後...我發現點解有點問題出現, 照醫生的說法, 我下一個CYCLE應該會自動來經, 因為胎囊自動流走係當一個CYCLE計, 亦稱為"化學性懷孕"..即是驗孕捧證實懷孕, 而HCG指數亦高, 但係寶寶在6星期內著床唔成功, 不算是真正懷孕而得出此名...
等了2個星期, M小姐都係冇來探下我呢個老朋友, 我又開始緊張大師上身, 問楊生唔會咁快又有左吧...當時既佢唔願意接受, 唔想知, 唔想聽...怕又一場歡喜...終於等到我認為最少應該有5-6星期既時候, 我地就做左一次SCAN, 醫生證實小BB已經有6星期, 只有指甲前白色位置咁大, 楊生開心到自己係咁傻笑...不停問點解咁細粒可以長到佢咁大隻仔...好景不常, 當晚我就見紅, 流了一整條褲的血, 嚇到楊生即時送我入私院, 抽完血做完檢查後, 等左3小時, 血亦開始少..醫生來通知HCG LEVEL是剛剛懷孕的指數, 唔代表小產, 但如果過2日都唔上升返有點危險, 最重要一定要訓床, 邊度都唔好去, 由呢一日開始, 我就停薪留職開始左我的FULL TIME懷孕旅程...終於, 係第8週時再見醫生, HCG LEVEL上升一倍, 小BB保住了...但仍然流啡了2星期, 醫生話可以係舊血未清, 多點訓床, 食多D營養...懷孕初期, 我的生活就是訓, 食..電視..IPAD...食..訓..
終於捱過了12週..第一次照一個比較正式的ULTRASOUND SCAN, 關於唐氏綜合症的檢查, 第一次見到BB的心跳, 我喊左出來, 亦清楚地見到佢彈彈下, 當我好緊張地叫楊生"亞比"時...直接叫了小BB為"比比", 以後我的小公主會稱為"比比", 12週的比比已經會啜手指, 每次彈彈下我都好激動, 真希望可以快點感受她的活潑。
從3D圖片可以睇到比比係度啜手指呢...
心情十分激動, 而楊生亦因為比比而升呢為"比爸"..我...當然就是"比媽"了...從這個月份開始, 我加入的11月媽媽會的所有媽媽都稱我為比媽, 感覺很親切呢, 但大食比比, 由原本的預產期11月8日, 一升呢就變為10月31日, 想係哈囉喂時出來嚇大家一跳呢...
本身就肥肥的我...12週就已經見到小肚子了...當然...有點肚腩成份...
