還很清楚地記得2012年12月30日是我的大日子, 一個一生人最期待的日子, 雖然比起很多靚太係香港擺幾十圍又大花車又酒店房等冇咁豪華, 但該有既教堂, 花童, 兄弟姐妹團, 行禮, 晚宴都齊哂...當晚我自覺自己係最幸福的時候...就咁, 我就成為了【楊氏夫人】了...
2013年1月18日, 第一次確疹了我懷孕, 當時心情又驚又喜, 驚係因為雖然一早都準備好, 但係一時三刻都冇想過真係要一個小朋友, 有點控制不了, 覺得自己HANDLE唔到, 喜, 因為我終於會有屬於自己的小朋友, 唔再玩人地仔女然後依依不捨地回家...
2013年1月23日, 第3天回到南京夫家, 確實了已流產, 百感交集, 哭成淚人, 當我已接受了自己要為人母, 為何無聲無色地就離開了我, 當天, 我知道老公比我更傷心, 只是一直忍淚...
2013年3月8日, 確實了再懷孕並安排照超聲波確定預產期..
2013年3月12日, 終於看到一顆迷你小豆丁, 當時只是6星期大, 比指甲白色部份還要小..當晚, 大出血入了私院並告知可能會流產...
2013年4月7日, 經過連續3星期的HCG抽血, 確定了我仍然懷孕..
2013年4月15日, 10週大的比比終於讓我看到強而有力的心臟, 她每次郁動小手小腳都觸動我倆的心靈..
2013年4月24日, 12周的比比不停彈動, 可愛得不得了..唐氏檢查極低可能性...
2013年6月12日, 20週的比比全身結構正常, 還懂得扒著玩...
2013年7月24日, 第一次用3D4D下看到比比的樣貌, 漂亮極了, 當時總覺得是像爸爸...
2013年8月14日, 妊娠糖尿病中招, 開始走上我未來10週的健康飲食路..
2013年10月8日, 當時比比36週, 因為妊娠糖尿醫生要求我再做一次掃瞄確定比比沒有巨大, 當時的她已經2.97KG, 很大隻妹了...
2013年10月31, 本應是預產期, 但小比並不想出來見人..
2013年11月2日, 零辰穿水, 全家人坐立不安緊張到震...
2013年11月3日, 我們家庭的新成員小比比終於降臨這花花世界..
2013年11月19日, 我與比爸的6年拍拖紀念日+比爸的第一個有女萬事足生日會, 比比是他的最好生日禮物..
2013年12月3日, 比比終於滿月了, 時間過得很快, 每天她都學習著怎樣跟我們相處..
2013年12月9日, 有比比陪伴我渡過了我20有8的生日...
2013年12月30日, 比比陪伴著我與比爸渡過了第一個結婚週年紀念日...
2013年12月31日, 我與比比由9點直接訓到零辰1點, 連比爸回家叫醒都不醒人事...直接由13年訓到14年...
今天是2014年1月1日, 比比已經2個月大了...
