去到後期, 好多媽咪就開始擔心食左咁多"毒野", 係時候要清清佢啦...有人會5個月開始就食下涼野, 而我, 雖然係超熱底, 何為超熱底, 即係太陽哂下都流鼻血既誇張人士...
好多坊間講既白蓮鬚, 我冇試過, 因為聽過好多人講飲完會大出血或陣痛時間拉長....所以係唔清楚既情況下, 自己父母又唔係身邊, 我都係唔好亂試野....
何謂"清胎毒"呢...從中醫的角度，胎毒的理解是指媽媽在懷孕期間過量食用辛辣及煎炸的食物，
則會有內熱, 並將胎熱遺給嬰兒，而導致嬰兒濕疹、生瘡, 每人身體不同,我本身熱底既,所以28week就開始作戰啦!!!!
腐竹雞蛋糖水
不會下太多冰糖以免糖尿過高
注意白果不要下太多
因為有毒素, 容易腹瀉
2人份量
材料：
白果（已去殼） 10至15粒
腐竹 1至2塊
雞蛋（可以不加）1隻<---有人會烚左隻蛋放入, 而我唔LIKE烚蛋所以打左蛋花..
滾水（開水） 1500毫升
冰糖 酌量
做法：
白果洗凈，下滾水（開水）裏，用中慢火，煮至軟身，約 40至 45分鐘。(即食的不用)
腐竹沖水，用水稍稍浸軟，放入煲中，煲至爛開。加酌量冰糖。自己試味，滿意，即成。如果喜歡加雞蛋同吃, 烚蛋後小心放入雞蛋，煮約2分鐘，熄火焗一會。而我自己就鍾意蛋花, 雞蛋軟滑，與腐竹和糖水一起吃，超好味耶！
芝麻糊糖水 (助產及滑利胎兒)
芝麻有潤腸通便、溫補的作用, 身體虛寒的孕婦, 通常都會有便秘的毛病, 胃口差, 大便雖軟, 卻無力排出, 而做成宿便。若生產時有宿便, 會阻礙直腸, 令孕婦難以將BB推出產道, 再加上孕婦腎氣哀弱, 生產更加困難。
功效:
1)補腎黑髮 ~ 由於芝麻有滑利胎兒的作用, 促令產婦更易生產。芝麻更有補腎、黑髮的作用, 嬰兒要靠母體的血液養胎。所以, 吃芝麻可令嬰兒的頭髮濃黑。由於芝麻有滑胎的作用, 懷孕三個月, 有作小產的情況不建意食用。
2)高纖 ~ 芝麻纖維高, 確有肋孕婦排便; 另外, 芝麻糊有豐富的維他命E和礦物質, 每碗(240毫升)有10克醣份
因為澳洲唔係度度有芝麻糊賣, 所以我要食時有3個方法, 一個係買即沖, 但比較甜, 二係自己用豆漿機打..用白米, 芝麻, 冰糖, 水就可以做到...呢個係最天然既做法...其三就係媽咪之前買左一罐合桃芝麻粉過我, 聽說惠康就有, 味道都唔錯架, 仲好香添...大家都可以參考一下..
海帶綠豆沙 (助催生)
功效:
1)催生 ~ 綠豆有清熱利水、降壓降脂、催生的作用, 具清熱觲毒的療效。綠豆性涼, 會令產婦易早產, 建議煲糖水時應加陳皮, 因為陳皮性溫理氣(即行氣), 有肋中和綠豆的涼性。
2)高纖 ~ 綠豆沙的植物纖維高, 含蛋白質, 屬健康的糖水, 每碗(240毫升)有3克醣份。
浸左綠豆半日後大火煲至起沙加冰糖, 我唔太鍾意落海帶, 所以一般只用豆煲就算, 又因為懶, 所以我會用半邊綠豆, 即係得一半既綠豆, 唔係原粒, 咁會煲得快D...夏日炎炎, 我仲會畢起D豆來做綠豆冰, 係雪條模內加少少練奶, 再放豆, 攪一攪...放入冰格, 等雪硬後食, 真係超透心涼呢~~
椰青
係香港地就好易買到啦...澳洲又唔係啦...所以我都要等到而家夏天先買到, 仲要好貴...不過因為比較涼, 建議如果要飲都過左36週後先好飲...唔好買錯呀, 椰王係熱架, 比較甜d, 而椰青先係涼架
西瓜
西瓜相對地就係最平穩既涼...所以我28週就開始食..不過因為糖份都幾高, 如果有妊娠糖尿好似我咁, 就要少食多滋味啦....
西瓜有利尿的作用, 有助去水腫
因為天氣實在太熱了! 而且孕婦本身的體溫也比一般人為高
所以就算在家開了冷氣我還是會出汗!!
沒有留言:
發佈留言