比媽的孕期日記 【8】 My little Abby's dairy

當所有野都準備好, 走佬袋都執埋, 我真係想唔到除左睇住電視等, 訓係度等, 坐係度等...仲有咩做...前排醫院話怕我受妊娠糖尿影響令比比過大, 如果係可能要提早催生, 所以安排左我36週即係呢個星期2最後一照..

因為係醫院免費照, 所以都冇相攞, 但就俾我見到比比個大樣, 真係好得意架...大眼妹妹一名臉仔似我圓得來下巴尖尖...好想快D摸下佢抱住佢錫呀!!!

照完出來既報告都好好...

比比十分健康, 36週5天有2914g重, 預計到40週出生時會增長到3.5公斤, 是中大碼bb的重量, 十分健康呢! 

羊水為13cm不多不少, 臍帶在2.0-2.9之間也是normal limit..
2隻小耳朵的距離為9cm, 是36週的標準
小頭子的圓周為32cm, 比正常小了一週但不影響
小肚腩的圓周為32.8cm, 是36週的標準
大腿長度7cm, 也是36週的標準

比爸見完小比比後笑足一日, 係咁話比比似佢眼大...仲係屋企試用咩帶, 因為坐月時我都唔會點郁, 咩住比比既重任就交俾佢啦...條友真係笑死我, 用屋企隻熊仔扮BB來咩...

佢整死左隻熊仔好多次架啦, 包括跌死, 夾死, 撻死等等....希望以後比比自求多福啦...WAKAKAKAKA!!