然後我就叫醒左比爸, 佢仲發梗夢轉過來攬住我個肚, 直到我大大聲叫佢先意識到咩事, 我仲好淡定咁叫佢整早餐, 開埋大先...我要數多2次先決定, 但坐起身後數多2次就開始停左冇再縮同痛, 於是我就起身刷牙洗面換衫準備去醫院做產檢.......先係見糖尿科, 呢個廢既醫生次次都係睇完我本MARK指數本子就會話GOOD, 叫我KEEP住就得....
然後就去另一邊大樓見產科....等呀等...等呀等....點解突然會有咁多大肚婆, 以前舊醫院邊有咁多人架, 仲要好多強國大肚人.....唔係咁快連黃金海岸呢D小地方都被攻陷嘛? 你地去悉尼墨爾本啦, 呢度冇野玩冇野食架!!!!!
等左差不多成2個鐘, 眼見同我差不多時間等既大肚婆同我一樣樣, 每次醫生出來叫人時就充滿期望雙眼發光, 一知道唔係叫自己時就死哂咁...坐唔定既會企身行下, 有D唔舒服既就訓係幾張凳上平訓....真係OMG!!
終於到我啦, 本來想說快快就可以走，但因為早上宮縮維持規律，又有穿水可能所以被抓進待產室觀察，間房超大超舒服，係觀察期間仲訓著了，而比爸就在旁邊舒服的梳化休息著，等左成40分鐘, 有醫生走入來抽分泌, 果隻鴨咀夾呢, 真係一塞入來痛到想咬人, 都唔知生既時候點算!!!
還好一切正常，又可以大搖大擺的回家了！
下一次再去醫院就係40週6日要捉隻百厭星出來....希望你唔好太舒服過期居留啦!!
沒有留言:
發佈留言