比媽的孕期日記 【2】 My little Abby's dairy

上回提到我的懷孕初期, 真係分分鐘都擔驚受怕...每秒鐘都係地獄邊沿咁濟...

好彩, 經過左3個月的考驗, 比比終於都成長起來, 而且12週的緊張期我都算安穩渡過, 起碼冇訓訓下起身嘔先, 到目前為止整個孕期我只係嘔過3次水咁大把, 比比都算係錫住媽咪囉!

為了更容易打理我本來就好烏WHERE既頭髮...我一次過剪左我把為出嫁留左2年半的頭髮

過了我人生的第一個母親節, 雖然係同個"肚"過...

自從過了12週後, 開始放下了心頭大石...開始有得訓就訓, 有得食就食左先...而比爸就擔當起家庭保長, 管家務管煮飯管按摩仲管埋接送氹訓覺... 每星期一次炖花膠炖雪耳...為求比比皮膚好...連唔飲奶既我都堅持每日一杯...做媽咪真係好偉大喔!!!

過著女皇的生活, 好快我就得到一個大肚腩!!!

這20週說長唔長, 短唔短, 而一個孕期的正常產檢最後一次超聲波亦會係20週時進行, 稱為"結構性掃瞄", 主要是確定BB既四肢健康, 內臟器官, 腦袋發育, 如果結果理想, 當然就可以繼續健康成長, 否則, 就需要被淘汰醫生會要求父母考慮終止懷孕....而大隻比, 今次既POSE係, 學媽咪扒係度訓覺...

扒成佢咁樣都真係算經典...完全唔知佢想點, 同時, 結構性掃瞄亦係可以確定寶寶性別的掃瞄...可惜, 呢隻野一直扒係度, 護士姐姐也只好告知 "I guess is a girl..."..算啦, 反正爸爸一早就覺得係百厭妹, 就當女咁去濕平好啦!!!從此, 我家就多了一個小公主, 家中到目前為止爆左一個2成人大既衣櫃全部係紅色白色粉紅色衫仔裙仔...全部都係姨姨叔叔們送贈...未出世就先搶左了媽咪既地位!!!

這裡只是我的第一機衫...屬一少部份...