3個月袋鼠國小羊比

遲到好過冇到, 係呢度先同大家講聲恭喜發財, 祝大家新的一年行大運, 未有伴侶的很大遇到你的MR./MISS.RIGHT, 準新人愈來愈甜蜜, 事事順利, 已婚的家庭和順早生貴子..已懷孕的寶寶健康成長出世, 已當父母的寶寶快高長大活潑健康...最後都係果句, 心想事成!!

真係估唔到, 話咁快比比就已經3個月大, 想返起上年呢個時候應該係我剛剛收拾了小產心情, 然後再次懷孕既時候, 今日小人兒已經咁大隻...想都想唔到佢剛剛3個月已經會翻身, 翻完左邊翻右邊, 仲開始識笑出"卡卡"聲, 真係好得意...但同時亦告訴我, NEW BORN時代已過去, 迎來是INFANT時代, 佢會大得更快, 唔再係一舊飯, 唔再係訓同食..日日佢都有新花款, 學識唔同既招數對付你, 仲會模仿大人既發音..所以以後講野要更小心... 

前陣子帶佢出去商場, 剛巧有攤位$7照一張相, 小比比明明訓著左, 我仲怕佢會扭計, 點知佢一見到相機就識笑...睇來媽咪要想想讓你加入小MODEL行列~~~

小公主愈來愈大, 做到既動作都愈來愈多, 每日都有新既笑點, 呢個就係為人母親的樂趣, 雖然有時真係好忟好辛苦, 但佢一個微笑就足以融化你...由其是當你眼前有2個你一生最愛...咩脾氣都發唔出...

在此希望我3個月大的小羊比比健康成長, 媽咪冇特別大的期望, 只求你開開心心健康快樂, 做個開心小公主就可以...