傷風感冒。四時定驚，定媽咪的驚⋯

腸胃炎過後突如其來的感冒，其實比比唔係第一次感冒，但上2次都係被我傳染，因為可憐的比有個一打就死既媽咪。真係你係我身邊打個乞次我晚上就嚟料！

今次算係比比真正亦不知原因下，亦有可能被好朋友傳染，當天我帶佢同好朋友一齊玩，沒想到好朋友Isla也感冒初起媽咪並未發覺，所以就冇避免

又加上唔知邊度來既風吹一吹，咁就⋯

晚上小人兒已經開始流鼻涕，但真正的杖是星期三返完幼稚園後，呢隻怪比樣樣好，就係有個壞習慣，要媽咪係附近先訓得著，要媽咪餵既奶先肯飲⋯如是者，佢又唔訓覺唔飲奶直到我接佢放學⋯但好彩尚算開心

回家後理應很累但可能唔舒服成晚扭，扭到媽咪發哂火！係爹地先可以咁好耐性！

一病就嗲⋯你又冇佢辦法，最後只好出動到infant Panadol舒緩下感冒不適，最起碼都訓一覺先啊陰公⋯然後成晚整醒我10幾次⋯好彩，訓過一覺後第二日又鬼打咁精神

真係難為媽咪氹死都帶你陪爹地返工⋯仲要帶你去play house玩, 本來星期五book左醫生。最後都冇去，其實睇醫生真係冇咩用，除非佢真係高燒或嚴重損傷，否則好醫生都唔建議咁細俾藥食，原因主要是 BB的處女免疫系統（ Virgin Immune System）要接觸過細菌才會啓動，而 BB通常在九個月大時，母親給他的抗體已經耗盡，因此，他要接觸不同的病毒和細菌，才會產生自己的抗體，發揮免疫的功能；外國有句說話：「 BB傷風咳，只不過是跟細菌說聲 Hello，打個招呼，完全無傷大雅。」

引起咳嗽，主要是吸入空氣中的細菌及雜質，繼而把這些「外來物」咳走。其實，這是一種生理保護，不過份的咳嗽絕不是壞事，甚至引起刺激作用，令孩子更加強壯。因此，當你的寶寶傷風咳時，你當然會帶他看醫生，若醫生認為是小事，那就不必過慮，只要讓孩子飲食正常，作息有序，那就更加不必害怕，而醫生亦不會給予大量藥物給小孩，家長毋須因藥物少而擔心孩子的病好不了。
傷風咳雖然是常見而輕微的疾病，但也會引起併發症，例如耳或喉嚨發炎，若是敏感的便會容易引起氣管炎，因此，家長必須小心觀察孩子，以及將孩子的情況告訴醫生；家長和醫生有了默契和互信的關係，這樣對孩子的治療絕對有幫助。

以上資料參考：兒科專科醫生曾英美