2歲後的比比已經不是一個小寶寶, 有自己思想, 有自己意見, 亦會自己照顧自己同媽咪, 對...仲有媽咪
在上年一直只想要1個BB既我地, 因為年頭比爸的手術後改變了想法, 當看到我2伯由阿德箂德飛來照顧比爸, 當時就想到其實如果可以俾比比添個細佬妹都是一件好事, 畢竟我地不能陪佢一輩子, 等佢大個後, 除了最親既老公同子女, 就是弟妹, 但我地都冇特別去強求, 一心都係覺得其實1個就夠, 就讓上天給我們安排, 來個順其自然吧....(其實比媽一直想, 比爸工作這麼忙, 根本很少時間S..WEET, 中間到隔一個小比...邊有咁易中) 世事既野, 就係咁奇妙, 誰不知有一個早上比爸好早起身, 而比比又自己去左自己床訓, 又咁岩時機成熟地比爸吵醒了我.....
然後....在7月頭時一直都覺得怪怪的, 心諗, 唔係嘛..咁都中??? 在午休時比爸帶著我去買棒棒...結果, 只有一條線, 有點失望, 但有點放下心頭大石....但是月事就一直冇到, 去到7月中, 我就係死唔信邪, 同比爸講唔係呢, 我真係覺得有唔同, 係有D野既....然後我地又再買支CLEARBLUE返來....今次...
當時的感覺是, 哎呀...咁點算, 有點開心興奮, 有點不知所措....但最後還是高興接受了, 在這段日子, 沒有想到妊娠反應比起陀比比時大好多好, 頭暈, 心跳, 嘔吐吐到27周, 托賴是小比非常接受, 從她知道要做姐姐開始, 每日都攬住我個肚狂錫
最期待的時刻終於來到,
小白妹登場, 預產期3月9日....冇錯, 當我打呢篇BLOG既時候, 白白已經過期居留, 但願不要等到醫院催生再捱一次苦, 咁比媽就算自己功德完滿, 阿彌陀佛....
肚子要炸開了....
沒有留言:
發佈留言