烤箱裡的"羊"小比比 Abby the little lamb: 我的MASALILI PRE-WEDDING旅程回憶《一》

一直都未分享過我既pre wedding旅程, 一個字"FUN"...

唔止係我既第一次踏足台灣, MR.Y都係, 其實一開始根本冇想過去台灣影, 本身住係澳洲的我更唔會想係澳洲影, 心目中一直都係想去日本或韓國影, 想去日本因為有薰衣草既關係, 但同我好姐妹美美傾過後, 一來我同MR.Y既工作時間都就唔到薰衣草最令既時候, 2來BUDGET都幾甘架..我呢個好姐妹有一個特色, 慳! 但佢慳得來又唔係小氣自己既人, 佢會以最抵既價錢去享受最高質量既人, 有佢諗過度過一定唔會死錯人

本身佢自己都係2013年嫁, 我只係比佢早半年, 所以佢自己都一早睇過好多唔同PRE WEDDING既公司, 最後佢睇來睇去計來計去查來查去都係覺得台中既MASALILI係最好, 一來價錢公道, 佢地標出來未必係最平, 但係佢唔會到左影時要你加呢樣果樣囉, 加上佢地真係好多境, 又好多海外新人, 對我呢D住外國既可以BOOK定時間但又唔使俾訂既真係神的恩賜呀!!

因為時間關係, 我們就唔到其他時間只好係11月時返香港一轉同媽咪傾好禮金既事仲要見埋家長, 呢次見家長真係有滿意有唔滿意啦, 後話。為左要去台灣所以仲要返澳洲前停係台灣6日再轉返澳洲, 既然路線CONFIRMED就要準備BOOK時間啦。

由我7月23日加入會員, 問左N個問題, 客服Yvonne都超好續一咁回我既麻煩問題, 到9月9日終於正式落ORDER CONFIRM所有既日子, 其實後來都有因為機票問題所以改遲了不過唔影響, 最令我SURPRISE既係Yvonne為左更清楚我既機票安排特登打長途電話同我商議時間等我唔使咁趕頭趕命, 真係好

期待左咁耐終於等到呢一日, 11月29日, 一早我地就出機場搭到台北, 再轉巴士去到台中, 其實搭巴士真係好方便, 門口有哂路線圖又平, 坐2個幾鍾仲可以睇下沿途風景

落左車我地就第一時間去酒店啦仲有時間就, 好在大行李可以放係機場, 唔係又大行李又細行李點算!

酒店房唔係好大, 但員工服務真係冇得頂, 我成世女都未見過咁好服務同笑容!!!!

上到房都唔係好大, 但個感覺好好, 仲有歡迎小食同飲品

仲因為11月尾近XMAS既關係, 酒店都有XMAS裝飾添~~

放好哂野第一時間就要搵的士出發MASALILI同佢地溝通下啦!!!

上到車一講去MASALILI...個女人即刻"你們去拍婚照喔!香港人嘛?" 哇....就知MASALILI有幾咁出名啦! 之後仲俾左咭片我地叫我地去玩可以搵佢, 佢知好多好玩地方, 一邊開車一邊用IPHONE SHOW相我地睇邊度好睇邊度令...我覺得佢真係好好人架...到步時佢話唔記得拍表, 就收我地200NT, 已經收少左, 我見佢咁好人應該都唔會呃我既...但點知....欲知後話就繼續睇吧...!!

終於到左我等左好耐既MASALILI啦...!!!一落車好多人出來迎接歡迎光臨, 佢地已經知道我地個名好利害!!!之後我地就安排左先去一個廳度坐一陣等接待來同我地傾之後服裝小姐"小香"就來了, 先帶我地去到男裝部量身材, 好快量好就上樓到我最愛既禮服部啦, 仲細心到有拖鞋著

.....地方唔係話大, 但係衫真係多到嚇人....好難揀姐..!!!但最後都俾我揀到呢4件禮服3件白紗, 我既禮服小姐小香矮我一節一手拿起5件放係肩膀走人, 利害!!

揀好哂就係去到陳列廳度CONFIRM個PACKAGE同UPGRADE既野,

之後同攝影師見面傾下想要既STYLE, 雖然一早做好功課, 但真係要講時我又唔知想點咁, 唯一就係講到我唔要性感, 因為我性感唔起!!!

好快咁睇左D SAMPLE同傾好左要既風格, 仲放低左成個放道具同衫既小行李俾人員KEEP, 佢地就幫我地BOOK左的士出逄甲夜市啦~~我真係餓到呢!!!!!!!

NIGHT 1@逄甲

我畢生難忘...多野食到我跳起, 當然, 都唔係樣樣好食既....!!!MR.Y同我都係愛食之人, 一定有個總結既.....4晚來講食左已經90%不同既食物同飲品,

失敬失敬...!!

我地由尾食上去頭, 首先慢慢介紹:

呢檔野既雞我隻隻都試過, 但數到堅好味都係呢個起司雞排...真係食過你日日都掛住佢...但要小心真係好熱同流心, 我同MR.Y就係咁流到成件衫都係CHEESE...

黑輪湯, 成個夜市唔止一檔有, 但係鍾意濃味既香港人, 唔好哂錢, 呢個野唔好食..!!!佢放哂料係度你自己夾之後俾佢剪左加湯, 呢2碗野要220NT, 呢個價可以食到好多其他野, 個湯冇味, D丸冇味既, 大多都係糯米或肉丸, 仲係冇味果隻...所以...可以PASS!!

街頭燒烤, 好唔好食見仁見智同睇你好唔好彩係番燒定新燒, 但都係統一一個味, 大多10NT一串, 有D 15-20NT一串。

來到台灣一定要試白玉苦瓜, 30NT的白玉苦瓜檸檬, 一D都唔苦帶甘甜, 可消熱氣又解渴!!

月亮蝦餅..!!!必食推介!!個皮酥脆加上蝦膠彈牙個味剛剛好, 真係一流...全夜市街頭到街尾有2檔, 一檔係炒面面包果邊, 一檔係豬寶盒果邊, 以後者呢間姐妹坐鎮既最好味...!!

最出名既懶人蝦, 以唔使去殼直接食而聞名, 全夜市有超過5間, 應該好多去過台灣既WOW友或睇過旅遊節目都知, 但係唔係檔檔好食...最出名的一檔是發明了自動燒蝦機既一檔, 但名氣大不代表最好, 下集會介紹到佢, 今日先介紹下小鬍子, 個人推薦呢檔最好, D蝦放上烤爐時仲跳梗隻腳仲郁勁生鮮!!!而且味道多蝦鮮甜, 一樣既價錢當然食最好啦!!