我的MASALILI PRE-WEDDING旅程回憶 《三》

2011年12月1日

 

終於都等到我人生第一次緊張的一刻, 影pre-wedding好開心, 因為影相時當你地對望都會係對方眼中見到自己...就會好自然咁笑出來....其實出發前一直都好擔心, 因為唔知道會影相點, 皮膚又差點算, 仲要當日M到....真係好驚, 但係好彩係當日完全冇呢個問題。

 

約定左早上９點半到, 所以我地又一早起身落去食早餐, 因為呢日係唔可以化妝去, 只可以搽防曬, 所以我起身好快手就可以落樓..因為怕食太飽會有肚腩所以咬左2口包我地就接的士出發MASALILI啦~~

 

一落車就有人開定門, 排住隊咁講早晨, 之後MR.Y就俾人帶走左放埋我個袋入LOCKER, 之後就係我2天既造型師OLIVER出場, 一個細細粒短頭髮既女仔...佢帶我入去一間換衫間, 好快手咁要我除哂D衫幫我掛起左, 然後就睇下今日著邊套衫, 之後要我一套套衫著上身試下個SIZE改得岩唔岩, 之前發現我第一套要出門既白紗差少少, 因為呢套白紗聽日同時有人訂左, 所以我今日一定要影左先..OLIVER就好急咁即刻搵人來問點解, 之後就交俾改衫既姐姐快快手去改...然後就即刻交俾之後好快手咁幫我上手粉, 我人生第一次上水粉...上完後突然我手上既皮膚超好 15分鐘件紗就改好左...快到冇朋友, OLIVER快快幫我著左上身就準備化妝啦, 與此同時MR.Y已經係後面攪梗佢個樣同頭髮, 因為第一次坐定定俾人整頭髮化妝, 所以有D唔慣睇下我個惡樣..惡到冇朋友, 係我整梗頭髮時, MR.Y已經攪掂哂坐係度望住我笑...笑我個樣使唔使咁兇恨...其實平時都化妝既我, 都只係化淡妝未試過真正既濃妝, 所以當OLIVER幫我整好時我就問, 我下眼睫毛好短, 如果加埋下眼睫毛會唔會好D, OLIVER就話我個樣太濃好怪, 因為我係可愛型, 不過可以俾我試下, 唔試由自可, 一試嚇死我...即刻叫佢幫我整走梳眼睫毛, 哈哈 好彩佢唔會發我脾氣仲好好態度幫我整走後補返D眼線同睫毛液....1個幾小時後攪掂就出發啦~~我一共拍2個景點, 一個係風景一個係建築, 2個風格, 而今日第一站係去"瓦倫格芙花園"..好快攝影師JUNIOR同燈光師小杰已經企係度等我, 小杰仲幫我提住條裙尾慢慢行出去, 但就係呢個時候!!!!OLIVER係後面大叫.....嚇到所有人都唔知咩事, 原來係條裙尾唔知邊度整左一撻野係度, 于是佢地個個就跪係馬路度幫我係咁摔...

睇下我幾開心...架車擋住左, 其實而家有成5個係跪左係度同我摔梗條裙...不過最後都係差少少, OLIVER就即刻捉返我入去, 用清潔濟狂摔, 好快手就俾佢摔乾淨, 小助手係側邊用風筒狂吹乾, 終於都成功可以出車啦~~

 

由MASALILI出發到瓦倫格芙花園大約個半鍾車程, 因為太早起身我係車上係咁釣魚, 但又怕個頭撞散, 所以MR.Y全程一見我釣魚佢就用手擋住我個頭 後來我索性同小杰和JUNIOR勁傾計, 傾傾下好快就到啦~~

 

一到步JUNIOR就放低哂D野開始睇位, 走來走去...之後就要我著上我對玻璃鞋

從來唔著高跟鞋既我真係好攞命...只好慢慢行囉..我好鍾意呢個地方, 因為好COLOURFUL, 好有童話既感覺, 當時睇MASALILI既網站時我第一個睇中呢個景點, 講左咁耐, 不如俾大家睇下相...

呢張我最鍾意, 因為唔係攝影師叫我地擺, 係佢叫我地行過去時我踏到條裙尾之後我鬧MR.Y做咩唔幫我拿住條尾之後唔知佢講咩我就笑就俾JUNIOR影左..

 我最愛既豬豬, 由澳洲特登帶去台灣影...有我既口水味...  

個背景幾咁夢幻~~

我第一次可以咁S....WAKAKAKA!!

換衫時好好笑, 因為我地第一次影, 唔知係車上換衫...MR.Y第一次係車上面幫我換衫仲要死力咁幫我幫後面衫條帶...拉到我呢...不過唔知道如果有D情侶係基督徒從來都冇睇過對方...咁點叫佢係車上幫女朋友換衫呢...又開始好多想法.....最估唔到我一直諗冇化妝師係身邊咁一陣點補妝呀? 原來小杰出馬, 我也可以變美女喔!! 佢幫我轉髮型, 換髮飾補妝上粉搽咀彩仲細心過我自己...真係人生第一次體驗

下一站就去到台中科技大學啦.....

我係唔落呢...點呀!!WAKAKAK....呢張相影得辛苦囉...因為其實企果度成個人咁高, 係MR.Y加JUNIOR俾隻脾我踩住小杰再係後面扶住我上架....肥妹都有返咁上下份量~~

影完呢張後我一行就應聲仆係地下..... 都話我著唔到高跟鞋....仲扯破左少少條裙, 好彩佢地話少事唔使我賠咋....

影完就準備返去MASALILI啦...一個下午我地都餓了...但係2個鐵打咁又上又落竟然野都唔食話唔餓...唔怪得咁瘦..睇下有咩食先..

聽說這三文治全台中最好味....雜誌上都有介紹我有睇過, 堪稱"黃金比例"既三文治, 又甜又咸, 但本人覺得真係好好味...連唔好食唔放入口既MR.Y都話好味仲想搶我既....個包好軟, 我覺得係我食過最好食既三文治囉~~~

返到MASALILI一入門口個個又排哂係門口講"回來了喔...辛苦了...外面冷不冷呀, 快點坐下吧..." 嘩...個感覺幾鬼公主!! 之後OLIVER又準備同我換衫換裝啦....

 見到間房好令...我又走入去抱起隻熊仔...

終於大功告成了DAY 1...來張大合照先~~

呢一日真係影得好開心...再一次多謝OLIVER, JUNIOR 和 小杰....最好笑係佢地係咁引到我大笑收唔返微笑...

晚餐是早上到既時候就有個妹妹俾個餐牌我地揀....4選1...

有個廚房姨姨係度煮...熱辣辣拿出來...味道都唔錯架...

Day 3 @ 逢甲

半月燒 - 鮪魚口味..即係吞拿魚...唔識讀個鮪字..俾人笑...個味幾好架...即叫即燒熱辣辣, 好多時一早就賣哂

大腸包小腸, 呢個一定要食...來到台灣唔食真係浪費...係糯米腸包住台灣香腸....不過幾肥架...但係幾何食先...睇下幾多人排隊就知..

杏運杯 , 即係炸菇, 可以揀一種菇或雜錦, 幾香口架..菇味囉..

古早味粉圓 20NT, 古早即係傳統, 古早味即係最傳統最早時期既味道, 個人覺得呢杯野好好飲, 好飲過珍珠奶茶, 粉圓甜甜地, 可以要冰或走冰, 有熱有凍, 我每日都要飲一杯, 真係好好飲..

炒面面包, 固名思意面包夾住炒面, 好多人排隊, 排左我半個鍾多D...個包好軟, 但係好唔好味呢? 唔難食...就係炒面係面包入面囉...卓頭野...5個口味揀

傳說中李冰冰都話好味既飛魚卵香腸...真係好好味...50NT, 好多飛魚子, 啖啖都卜卜聲..

印度拉茶, 拉完放入膠袋幫起抽住飲, 好飲, 得意...6個唔同口味....夜市入面好多檔

烤鴨夾餅, 都係我國既好味D...

胖媽媽大腸加蚵仔面線, 必食推介, 叫碗大既, 2個分, 再點隻粽, 好開心..我食既係小肉粽

酸芒果, 好食...開胃

再加影我地既道具一對豬耳仔..
旅程回憶 《三》又到呢度啦...多謝收睇...