我的MASALILI PRE-WEDDING旅程回憶 《二》

2011年11月30日

MASALILI 每個星期三都係公休, 所以我地今日全日可以大玩特玩啦!!! 諗住....

其實我地都唔知咩地方打咩地方, 好彩係香港OK買左本台中遊, 閃令令果本, 都有介紹好多地方, 我地就係前一晚上網搵哂地圖同搭咩車咁..

黎客每日早上10點前都會送早餐, 每日都有新款AB餐俾你揀, 仲好好味架!! 野飲方面除左咖啡呀茶呀仲有米漿豆漿意仁漿等等等等.....而且仲有小小自助台有D車厘茄, 雞粒, 粟米粒等等俾你自己夾

 之後仲有我每日必坐既千秋登搖下搖下咁食早餐

 睇下份早餐都幾正架 

食完早餐後就準備出發。第一步就係要買電話卡, 有時上網UPLOAD下相, 最重要係GOOGLE地圖, 因為有時都會行錯路要靠個地圖, 唔知台中同台北同唔同, 因為我都未去過台北, 台中有個特色, 就係唔係度度有垃圾桶, 如果有垃圾, 你真係行到冇雷公咁遠先有得掉, 同樣, 電話卡都唔係度度有得買, 唔似得香港咁係7仔OK都有得買, 要走到去電話公司買因為要PASSPORT登記, 所以大家要記得帶定PASSPORT呀!台中既7仔同全家只可以充值, 最後我地就買左

 中華電信既3G架, 記得要3G先可以上網架, 另外IPHONE 3大卡同IPHONE 4既細卡價錢都唔同架, 後者貴D, 所以我地最後梗係買大卡啦, 好彩MR.Y唔係潮流人仲用梗IPHONE 3姐.....不過後來我地先知"台灣大哥大"係無限上網架!!!!!大家記得啦...唔好好似我地咁買錯公司~~~ 行左好遠既路終於搵到架岩既巴士, 第一日因為我地人生路不熟走到老遠搭車但係回程時我地就已經知道酒店門口就有得搭 巴士到就跳上車啦, 原來台中既巴士都係要拍卡既, 所以一上車司機會自動幫你DO張卡咁你落車再俾錢

, 去到台中市中心第一時間去到7仔買返張搭車既"悠遊卡"先啦, 

呢2張咁靚既悠遊卡唔該收你100NT, 而且係唔包充值架, 唔該你再充值100NT, 其實我都唔知有冇已經充左既卡買, 但7仔冇囉, 不過台中有度好好, 如果你坐巴士拍呢張卡, 首8公里都係免費架...!!! 如果你好多時間, 可以每8KM落車一次就完全唔使俾錢啦~~ 不過其實市內多數都係唔過8公里, 除非你走到好遠既境點姐, 否則基本用唔到, 我有朋友問我咁點解我要充值, 咁你唔知你幾時過8公里架嘛...到時DO唔到咪火羅爆囉..!! 用唔哂既值可以係7仔或全家買野飲買野食...好快就用完唔怕浪費架..!!

 

第一站, 大坑紙箱王Carton King!!!

台中市406北屯區東山路二段二巷二號〈大坑圓環前〉

電話：04-22398868

營業時間：10：00~21：00
主題餐廳供餐時間：11：00~20：30

※自行開車
．國道一號 / 由大雅交流道►環中路►右轉松竹路二段►左轉東山路►大坑圓環前100公尺►抵達
．國道三號 / 由中港系統交流道改走►台中環線接一號高速公路►下大雅交流道►環中路►右轉松竹路二段►左轉東山路►大坑圓環前100公尺►抵達
．由中清路►左轉文心路►東山路►大坑圓環前100公尺►抵達
．由中港交流道►中港路►左轉文心路►東山路►大坑圓環前100公尺►抵達
．由龍井系統交流道改走►12號道路►中港路►左轉文心路►東山路►大坑圓環前100公尺抵達

※大眾交通
．台中客運15號、16號
．仁友客運1號、20號、21號、31號，大坑圓環站下車約一分鐘路程。

 

其實紙箱王都幾多分區架, 不過以大坑為總地最多展品同商品, 仲有間好有特色同好味既餐廳。
一入門口就已經有一排小裝飾係路上迎接你 

之後就係要買入場券啦

, 100NT一人但其實佢俾返張抵用券你係場內消費當錢用, 你可以買野或食野都得, 即係如果你買野咁入場就=免費囉, 但係你入得去就好難唔買野...因為真係好多野買!!! 迎接你既係紙箱故事館

之後就係大大小小既展品俾你慢慢影相, 其中一間精品店買野會送你2張小楓葉可以寫低願望, 我既願望梗係個天生生性性好天氣等我PRE WEDDING大成功啦

行到咁上下就肚餓啦, 當然要去欣賞下間主題餐廳啦, 呢個餐廳全店所有野包括台椅子擺設櫃檯都係紙做, 入去影相都抵啦...

而且價錢又唔貴

 最後我地點左個小火鍋暖下個肚, 因為包野飲所以我地就另外點多個野飲啦, 我地決定點北海道特濃牛奶湯底加豬肉片

呢個餐夠哂2個人食呀!! 個湯勁好味D料勁正而且包飯同甜品, 所有既飲品都會裝係佢地個紙箱入面

未飲完可以抽住行街, 拿回家仲可以當錢箱用 飲飽食醉後就同埸加映蜜蜂故事館

落返去行埋最後一間精品館, 入面無論係擺既掛既放既都係紙做而且可以買, 雪豬當然大袋細袋出返來啦 

仲有紙做既袋同帽, 好堅韌架...行入D仲有個燈飾館, 入面靚到爆呀 

行完之後就搭返回程巴士返去啦, 等巴士等到天荒地老雪豬對腳係咁餵蚊, 大家記得要帶定支細既蚊怕水呀, 唔係針到手臂影相就唔好啦...好彩係腳咋... 因為下午學校放學既關係, 一上車就迫到連媽媽都冇朋友...去到自由路落車, 呢個地方係太陽餅專門既地方, 全街度度都見到賣太陽餅既招牌, 因為朋友要求一定要既手信, 所以我地都要行一轉, 書上介紹台中阿明師係最正宗既, 我地就朝住呢個方向進發地址係台中市自由路二段11號 咁多間分店以自由路為總店, 所以我地當然去總店啦, 一去到門口就已經有人招呼跟手就送上一個太陽餅

 入面甜甜地好鬆化幾好食架....送呢個點都好過次次都鳳梨酥啦, 所以到最後我地......

大包細包出門口...

 

NIGHT 2@逄甲

 

又到介紹食既時候啦....大家係唔係好期待呢?? 好吧....大家好似冇咩反應, 上集都冇咩人留言, 咁樣我就好冇動力POST第3集了...

 

 北回木瓜牛奶, 我個人來講一向都唔LIKE木瓜亦都唔食木瓜, 但呢杯野令我改觀, 好味程度令人髮指呀!!! 帶小小沙冰感覺, 好滑唔太甜, 真係好正..位置係夜市尾再過對面馬路果邊, 唔係大學果邊, 係另一邊叫尾..

 

豬寶盒 好味!! 剛剛炸出來既豬排加上自選既汁, 皮脆肉滑又多汁, 真係冇得頂....65NT

 

胡椒餅, 香港既我未食過唔知好唔好食, 但係呢個真係超好味....睇住佢係個爐入面夾出來, 個皮好脆好香芝麻, 一咬落去肉汁標哂出來帶胡椒味, 咬完一啖想再一啖, 可惜...當我想再咬時MR.Y已經一口放左入口正在吞...我只好...我只好....

 

黃金左腿同右腿左右開檔, 左腿係炸, 右腿係燒, 因為之前食左炸豬關係所以揀左燒既右腿, 味道可以, 唔算特別, 不過都係自選汁可以揀自己LIKE既口味

 

唔記得海賊定烏賊王定黃金魷魚...就係大魷魚釀飯再炸一炸加汁, 今次試左酸辣汁, 酸酸地幾開胃, 個魷魚都彈牙, 但炸得唔係好鬆化, 最敗筆係個飯, 好實好濕好痴, 食左一個已經覺得溜唔想食...所以最後我TIU返D飯出來只食個魷魚

 

夜市尾果邊有一間店, 由旺頭走到尾, 大大隻字睇自己得獎, 雪豬同MR.Y當然好想去試下佢2個得獎既菜式, 一個類似蝦蟹湯同水晶丸子??唔記得, 因為唔太好食...好失望, 通常我都會影埋MENU但呢個真係冇影...先講個湯, 粉水湯入面有D蟹肉同蝦仔, 冇咩特別, 再講個丸子, 澄面粉面帶少少膠性包住肉同蝦, 但係唔彈又冇味...連跟既汁都冇味..我對佢所講既攞獎好懷疑

 

MR.Y話食左咁多炸野一定要飲返杯青草茶, 甜甜地似五花茶 30NT

 

同場加映我唔識既明星, 好多人圍...

 

巨無霸臭豆腐, 好唔好食見仁見智, 我個人唔係好欣賞, 但係個個話必食....應該話, 豆腐炸得好, 虎皮帶酥脆, 但個所謂既很特別醬汁先係敗筆, 又唔酸又唔辣唔知想點....我冇野講...不過只係個人唔欣賞, 對LIKE既WOW友真係對唔住...

 

上集提過呢個懶人蝦, 佢地好叻自創左部自己燒蝦既機, 但係蝦係死既....部機點叻都冇用....冇鮮味唔夠脆口味少....最吸引...就係部機唔係蝦...

 

再同場加映, 俾媽咪出賣左個訓覺樣既小弟弟....好得KAWAII呢~~

 

甜品, 刨冰 + 任選3料, 涼粉豆花, 前者就係咁, 唔會話太特別, 後面唔知點解要加冰...食唔到個味..

 

 熊記泰國現撈蝦, 冇得頂之作....只叫即撈, 我多數買2份150NT, 好味到顛...勁多膏大家都睇到....新鮮好味..正..!!!

 

今日到此為止啦~~我打第2次啦...打第一次BLOG時打左成個幾鐘突然HANG機...咩都冇哂!!!! 咁辛苦都係為左分享俾大家知...由晚上6點打到晚上9:30都未食飯.....大家有D表示啦...